விமான சேவை பாதுகாப்பு பிரிவு வினாக்கள் -2019

1. நான் விமானமொன்றில் சுடுபடைக் கலன்களையோ / ஆயுதங்களையோ / ரவைகளையோ எடுத்துச்செல்ல முடியுமா?

முடியும். ஆனால் அப் பொருட்களைக் கொண்டு செல்வதற்காக ஒதுக்கப்பட்ட பகுதியில் மாத்திரம் முடியும். அதற்காக சி.வி.சே. பணிப்பாளர் நாயகத்தின் அங்கீகாரத்தைப் பெற்றுக்கொள்ள வேண்டும்.

2. எவ்வாறு நான் அதற்கான அங்கீகாரத்தைப் பெற்றுக்கொள்ள முடியும்?

சம்பந்தப்பட்ட தகவல்கள்/ ஆவணங்களுடன் சிவில் விமானப் போக்குவரத்துப் பணிப்பாளர் நாயகத்திற்கு எழுத்துமூலம் கோரிக்கை ஒன்றைச் சமர்ப்பித்தல் வேண்டும்.

3. சம்பந்தப்பட்ட தகவல்கள் / ஆவணங்கள் எனப்படுபவை யாவை?

பாதுகாப்பு மற்றும் நகர அபிவிருத்தி அமைச்சின் அனுமதிக் கடிதம்

விமான பயண தகவல்கள் - திகதி, நேரம், விமான பயண இலக்கம் மற்றும் வழி

சுடுபடைக் கலன்/ ஆயுதங்கள்/ ரவைகள் பற்றிய தகவல்கள் (தொடர் இலக்கம், அளவு, வகை, வர்த்தக பெயர், துப்பாக்கி குழல்/ ரவை போன்றவற்றின் விட்டம் மற்றும் ஏனைய துணைப் பாகங்கள்)

4. இவ்வாறு அனுமதி பெற்றுக்கொள்வதற்கு எவ்வளவு காலம் எடுக்கும்?

கோரிக்கை சமர்ப்பிக்கப்பட்ட பின்னர் 24 மணித்தியாலங்கள் (வேலை நாட்களில்)

5. நான் சுடுபடைக் கலன்கள் / ஆயுதங்கள் / ரவைகள் என்பனவற்றை விமானம் மூலம் அனுப்ப முடியுமா?

ஆம், உங்களுக்கு முடியும். அதற்காக சிவில் விமானப் போக்குவரத்துப் பணிப்பாளர் நாயகத்தின் எழுத்துமூல அங்கீகாரத்தைப் பெற்றுக்கொள்ள வேண்டும்.

6. அதற்கான அங்கீகாரத்தை எவ்வாறு பெற்றுக்கொள்வது?

விமான சேவையின் பட்டியல் இலக்கத்துடன் மேற் குறிப்பிட்டுள்ள (வினா 3) தகவல்களை / ஆவணங்களை சிவில் விமானப் போக்குவரத்துப் பணிப்பாளர் நாயகத்திற்கு எழுத்துமூலம் விண்ணப்பிக்க வேண்டும்.

7. நான் கையில் எடுத்துச் செல்லும் பிரயாண பையில் கத்தி / கத்தரிக்கோல் ஒன்றை எடுத்துச் செல்ல முடியுமா?

முடியாது. ஆனால் அத்தகைய பொருட்களை நீங்கள் விமானத்தின் பொருட்கள் கூடத்தில் வைக்கப்படும் உங்களுடைய பிரயாண பையில் வைத்து எடுத்துச் செல்ல முடியும். அத்துடன் நீங்கள் கையில் எடுத்துச் செல்லும் பிரயாண பையில் கொண்டு செல்ல முடியாத இன்னும் சில பொருட்கள் இருக்கின்றன. அவற்றில் பின்வருவன அடங்குகின்றன.

கத்தி அல்லது வெட்டுவதற்குப் பயன்படுத்தும் கருவிகள் - குறு வாள், வாள், அட்டை வெட்டும் கருவி, வேட்டைக் கத்திகள், நினைவுக் கத்திகள், தற்காப்பு சண்டைகளின்போது பயன்படுத்துகின்ற உபகரணங்கள், தொழில் சார்ந்த ரீதியாக வெட்டும் உபகரணங்கள் மற்றும் செ.மீ.6 அல்லது அதற்கு மேல் நீளமுள்ள ஏனைய கத்திகள், மற்றும் / அல்லது உள்ளுர் சட்டத்தின் பிரகாரம் சட்டவிரோதமாகக் கருதப்படுகின்ற கத்திகள்

தடிகள்  - பிளெக்ஜெக் (ஈயம் நிரப்பிய வளையக்கூடிய தடி வகைகள்) பிளி கிளப் (குறுகிய தடி வகை), பேஸ்போல் மட்டை அல்லது அதற்கு சமமான உபகரணங்கள்

வலுவிழக்கச் செய்யும் அல்லது பலவீனப்படுத்தம் உபகரணங்கள்  - எய்வதற்குப் பயன்படுத்தப்படும் கைத் துப்பாக்கிகள், கெனிஸ்டர்கள் அல்லது வேறு பாத்திரங்களில் உள்ள சகல கண்ணீர் புகை, வலுவிழக்கச் செய்யும் இரசாயன பொருட்கள் அடங்கிய சிகரட் மற்றும் ஏனைய மயக்கமடையச் செய்யும் அல்லது அதிர்ச்சிக்குள்ளாக்கக்கூடிய இலத்திரனியல் உபகரணங்கள் போன்ற வலுவிழக்கச் செய்யும் உபகரணங்கள்.

ஏனைய பொருட்கள் - விளையாட்டு ஆயுதங்கள் அல்லது கைக்குண்டுகள் உள்;ளிட்ட மரணத்தை ஏற்படுத்தக்கூடிய அபாயகரமான ஆயுதமாகக் கருதாவிட்டாலும் ஆயுதமாகக் கருதக்கூடிய ஐஸ் உடைப்பதற்குப் பயன்படுத்தப்படுகின்ற உளிகள், மலை ஏறுகிறவர்கள் பயன்படுத்துகின்ற இரும்பு கொக்கியுடனான தடி, சவரக் கத்தி, நீண்ட கத்திரி போன்றவை

8. விசேட தேவைகள் உள்ள பயணிகள் மற்றும் இதய இயக்க பட்டறி (pacemaker) பொருத்தப்படட பயணிகள் உலோக உணர்காட்டி ஊடாக பயணிப்பதற்கு அல்லது கடந்து செல்லாமல் இருப்பதற்கு மாற்று செயல்முறை உண்டா?

ஆம். கர்ப்பிணிப் பெண்கள், மிகப் பெறுமதியான பொருட்களைக் கொண்டுசெல்லும் பயணிகள், இதய இயக்க பட்டறி பொருத்தப்படட பயணிகள் மற்றும் குறைந்த உடல் இயக்கமுள்ள பயணிகள் போன்ற மிகக் கவனமாக பரிசோதிக்க வேண்டிய பயணிகள் உலோக உணர்காட்டியினூடாக செல்லாமல் தனியான இடத்தில் பரிசோதிக்கப்படுவார்கள். 

எவ்வாறாயினும், பரிசோதிக்கின்ற இடத்தில் அப் பயணிகள் பாதுகாப்பு உத்தியோகத்தர்களிடம் அதற்காக கோரிக்கை விடுக்க வேண்டும்.